1 րոպեի ընթերցում
ԱՄՆ նախագահ Դոնալդ Թրամփը հայտնել է, որ մտադիր է Ռուսաստանի նախագահ Վլադիմիր Պուտինի հետ հեռախոսազրույց ունենալ երեքշաբթի օրը՝ մարտի 18-ին, տեղեկացնում է «Արմենպրես»-ը:
«Հնարավոր է, որ երեքշաբթի օրը խոսեմ նախագահ Պուտինի հետ», - ասել է Թրամփը լրագրողներին։
Նա ընդգծել է, որ մտադիր է Ռուսաստանի ղեկավարի հետ քննարկել տարածքների հարցը։
«Կարծում եմ՝ մենք կխոսենք տարածքների մասին…. Մենք կխոսենք էլեկտրակայանների մասին, քանի որ դա մեծ հարց է», - ասել է ԱՄՆ նախագահը։
Թրամփը հիշեցրել է, որ շատ հարցեր կողմերն արդեն քննարկել են։
«Մենք արդեն խոսում ենք այդ մասին, որոշակի ակտիվների բաժանման մասին», - ասել է նա։
ԱՄՆ ղեկավարի խոսքով՝ հանգստյան օրերին մեծ աշխատանք է կատարվել։
«Մենք ցանկանում ենք տեսնել, թե արդյոք կկարողանանք վերջ դնել դրան (խմբ.՝ ռուս-ուկրաինական հակամարտությանը)…. Կարծում եմ, որ մենք շատ լավ հնարավորություններ ունենք», - ասել է Թրամփը։