Չինաստանը ողջունել է Հայաստանի և Ադրբեջանի միջև հարաբերությունների կարգավորման ուղղությամբ դրական զարգացումները
1 րոպեի ընթերցում
Չինաստանը ողջունել է Հայաստանի և Ադրբեջանի միջև հարաբերությունների կարգավորման ուղղությամբ առկա դրական զարգացումները։
«Արմենպրես»-ի փոխանցմամբ՝ Չինաստանի ԱԳՆ-ն այդ մասին հայտարարություն է տարածել։
«Չինաստանի կառավարությունը ողջունում է Հայաստանի և Ադրբեջանի միջև հակամարտության կարգավորման ուղղությամբ դրական զարգացումները։ Երկու երկրներն էլ կարևոր պետություններ են իրենց տարածաշրջանում և Չինաստանի հուսալի գործընկերներն են։ Չինաստանն անկեղծ հույս է տածում, որ երկրները կկարողանան լուծել տարաձայնությունները երկխոսության և բանակցությունների միջոցով՝ իրենց ներդրումն ունենալով տարածաշրջանի երկարատև խաղաղության և բարգավաճման մեջ»,- ասված է Չինաստանի ԱԳՆ-ի տարածած հայտարարության մեջ։