ԱՄՆ դատավորները Թրամփի վարչակազմին կարգադրել են վերականգնել աշխատանքից հեռացված հազարավոր մարդկանց

2 րոպեի ընթերցում

Կալիֆոռնիայի և Մերիլենդի դաշնային դատավորներն ԱՄՆ նախագահ Դոնալդ Թրամփի վարչակազմին կարգադրել են վերականգնել փորձաշրջան անցնող հազարավոր դաշնային աշխատողների, որոնք կորցրել են իրենց աշխատանքը 19 գերատեսչություններում աշխատանքից զանգվածային հեռացումների պատճառով։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։

Դոնալդ Թրամփի և Կառավարության արդյունավետության վարչության ղեկավար Իլոն Մասկի կողմից բյուրոկրատիան կրճատելու ջանքերի շրջանակներում հազարավոր մարդիկ զրկվել են աշխատանքից։ 

Ըստ Բալթիմորի դատավորի՝ վարչություններից 18-ը, որոնք վերջին շաբաթներին զանգվածաբար ազատել են փորձաշրջան անցնող աշխատակիցներին, խախտել են օրենքը։ Դատավորի որոշումը վերաբերում է Շրջակա միջավայրի պաշտպանության նախարարությանը, Սպառողների ֆինանսական պաշտպանության բյուրոյին, ԱՄՆ Միջազգային զարգացման գործակալությանը (USAID), գյուղատնտեսության, առևտրի, կրթության, էներգետիկայի, առողջապահության, ներքին անվտանգության, աշխատանքի, տրանսպորտի նախարարություններին և մի շարք այլ գերատեսչությունների։

Բալթիմորի դատավորի որոշումից առաջ Սան Ֆրանցիսկոյում ԱՄՆ շրջանային դատավորը կարգադրել էր վերականգնել վեց գերատեսչություններում, այդ թվում՝ Պաշտպանության նախարարությունում աշխատանքից հեռացված փորձաշրջան անցնող աշխատողներին։ 

Սան Ֆրանցիսկոյի դատավորի որոշումից հետո Սպիտակ տան մամուլի քարտուղար Քերոլայն Լևիթը հայտարարություն էր տարածել՝ նշելով, որ վարչակազմն «անմիջապես կպայքարի» դրա դեմ։

Թրամփը և Մասկը ցանկանում են կրճատել դաշնային աշխատակիցների թիվը, որը հունվարին Թրամփի պաշտոնակալության ժամանակ կազմում էր 2,3 միլիոն։

Զանգվածային կրճատումների առաջին ալիքն անդրադարձել է փորձաշրջան անցնող աշխատակիցների վրա։ Ըստ դեմոկրատների կողմից ղեկավարվող նահանգների, որոնք բողոքներ են ներկայացրել դատարան այս կրճատումների դեմ, Թրամփի երդմնակալությունից հետո աշխատանքից ազատվել է առնվազն 24 000 մարդ։

Հայերեն Русский

Թբիլիսիում գազի պայթյունից հետո փլատակներից դուրս է բերվել վեցերորդ զոհի մարմինը

Հայկ Մարտիրոսյանը «Total Chess»-ի հերթական խաղում հաղթել է հնդիկ գրոսմայստեր Արջուն Էրիգաիսին

Երեք գերտերությունների մոտ համատեղ գործելու ձգտում կա, սակայն դժվարություններն էլ շատ են․ Գարիկ Քեռյան

Ուիթքոֆն արդյունավետ է որակել Բեռլինում եվրոպացիների հետ բանակցություններն Ուկրաինայի հարցով

Ազգային ժողովի նիստ. ՈՒՂԻՂ

Երևանի քաղաքապետարանը սկսում է համագործակցություն SatisfAI-ի հետ. քաղաքային ծառայություններում կներդրվի արհեստական բանականություն

Նարեկ Մկրտչյանը Դոնալդ Թրամփի Մար-ա-Լագոյի առանձնատանը մասնակցել է Վետերանների ազգային օրվան նվիրված միջոցառմանը

Օլիմպիական վարկանիշային մրցաշարին Հայաստանից կմասնակցի 3 ծանրորդ

ՊԵԿ-ը որոշ ապրանքատեսակների համար իրականացնում է նույնականացման միջոցներով դրոշմավորման փորձնական ծրագիր

Զելենսկին Բեռլինում քննարկումներ է անցկացրել ԱՄՆ նախագահի բանագնացների հետ