1 րոպեի ընթերցում
Փետրվարի 27-ի գիշերային ժամերին Գեղարքունիքի մարզի տարածքով մեկ գրանցված բքերի արդյունքում դժվարանցանելի վիճակ է առաջացել միջպետական, հանրապետական, մարզային ու համայնքային նշանակության որոշ ճանապարհահատվածներում։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, փետրվարի 27-ի լուսադեմից սկսած, ձնաբքերի մեղմացմանը պես, ճանապարհների ձնամաքրման, լայնացման ու մշակման աշխատանքներ են սկսվել Վերին-Գետաշեն-Մադինա, Վաղաշեն-Աստղաձոր-Զոլաքար-Վարդենիկ, Սևան-Լճաշեն, Վարդենիս-Այրք, Ծովակ-Ախպրաձոր, Սոթք-Կութ-Ազատ մարզային նշանակության ճանապարհներին, Վարդենյաց ու ճամբարակի լեռնանցքներում։
Փետրվարի 27-ի ժամը 16․30-ի դրությամբ վերոնշյալ ճանապարհների անցանելիությունն ապահովված է, իսկ ձմամաքրման, լայնացման ու մշակման աշխատանքները մնում են ընթացքի մեջ։
Թեև ավտոճանապարհները բաց են ու անցանելի, սակայն, ձնաբուքը ճանապարհատրանսպորտային երթևեկության համար պարբերաբար ստեղծում է դժվարանցանելի իրավիճակ։