1 րոպեի ընթերցում
Առնվազն 19 մարդ է զոհվել և մոտ 30-ը՝ վիրավորվել Թաիլանդում զբոսաշրջային ավտոբուսի վթարի հետևանքով։ Մեկ անհետ կորածի որոնումները դեռ շարունակվում են։ «Արմենպրես»-ի փոխանցմամբ՝ այս մասին հաղորդում է Thairath պարբերականը։
Հրատարակության տվյալներով՝ վթարը տեղի է ունեցել թագավորության արևելյան Փրաչինբուրիի նահանգում՝ Բանգկոկից 120 կմ հեռավորության վրա։ Միջադեպը տեղի է ունեցել 200-հոգանոց էքսկուրսային խմբին երեք ավտոբուսներով տեղափոխելու ժամանակ։ Ավտոբուսներից վերջինը կորցրել է կառավարումը, հարվածել բետոնե ցանկապատին, ինչից հետո՝ շրջվել։ Նշվում է, որ խափանվել է ավտոբուսի արգելակման ոտնակների աշխատանքը։
Հայտնի է, որ ավտոբուսը հյուսիսարևելյան Բինգկանի նահանգից ուղևորվում էր Ռայոնգի առողջարանային նահանգ։
Ոստիկանությունն սկսել է ճանապարհատրանսպորտային պատահարի հետաքննությունը: