1 րոպեի ընթերցում
Գեղարքունիքի մարզպետ, մարզի զորակոչային հանձնաժողովի նախագահ Կարեն Սարգսյանն անցկացրել է մարզային զորակոչային հանձնաժողովի հերթական և 2025 թվականի ձմեռային զորակոչի վերջին նիստը, որին մասնակցել են զորակոչային հանձնաժողովի բոլոր անդամները։
Ինչպես «Արմենպրես»-ը տեղեկացավ Գեղարքունիքի մարզպետի աշխատակազմի զորահավաքային նախապատրաստության բաժնից, նիստի ընթացքում քննարկվել են ձմեռային զորակոչի ավարտական փուլերին վերաբերող հարցեր:
Այնուհետև, ՀՀ ՊՆ ՀԶԿ Գեղարքունիքի մարզի զինվորական կոմիսար, գնդապետ Արմեն Մնացականյանը զեկուցել է հանրակրթական ուսումնական հաստատությունների ավարտական դասարաններում սովորողների տարկետումներին վերաբերող հարցեր, որոնց ուղղությամբ հանձնաժողովը տվել է համապատասխան եզրակացություններ։
Հանձնաժողովը քննարկել է նաև զորակոչի աշխատանքներին ներգրավված կազմակերպությունների փոխգործակցությանն ուղղված հարցեր, տրվել են հանձնարարականներ:
Քննարկվել են նաև պաշտպանական ոլորտին առնչվող այլ հարցեր։