1 րոպեի ընթերցում
Երևան քաղաքի ավագանու 2-րդ նստաշրջանի 3-րդ նիստը
Տարբեր քաղաքական ուժեր փորձել են տրանսպորտային համակարգը տանել կոլապսի, սակայն այդ փորձը ձախողվեց։ «Արմենպրես»-ի հաղորդմամբ՝ Երևանի քաղաղաքապետարանի գործակարգավարական խորդակցության ընթացքում այս մասին հայտարարեց Երևանի քաղաքապետ Տիգրան Ավինյանը։
«Տարբեր քաղաքական ուժեր իրենց նպատակներն ունեն։ Իմ գնահատմամբ՝ հիմնական նպատակը տրանսպորտի գնի խնդիրը չէր, այլ ընդհանուր փորձ էր արվում տրանսպորտային համակարգը տանել կոլապսի, որը ձախողվեց, որովհետև վերադարձ միասնական տոմսային համակարգից դեպի 100 դրամների համակարգ ուղղակի անհնար էր։ 100 դրամի համակարգում մենք ունեցել ենք մոտ 30 տարի աշխատող տրանսպորտ և տեսել ենք այդ տրանսպորտի որակը»,-ընդգծեց Ավինյանը։
Նրա խոսքով՝ Երևանում շարունակաբար զարգացող հանրային տրանսպորտի համար անհրաժեշտ են նոր միջոցներ և ժամանակակից վճարման մոդելներ, և երևանցիներն, ընդհանուր առմամբ, այս տրամաբանությունը հասկացել են և աջակցում են։