Թրամփը հայտարարել է Սիրիայից զորքերի դուրսբերման հնարավորության մասին

2 րոպեի ընթերցում

ԱՄՆ նախագահ Դոնալդ Թրամփը, Սպիտակ տանը պատասխանելով լրագրողների հարցերին, հայտարարել է, որ Վաշինգտոնը չպետք է զբաղվի Սիրիայի խնդիրներով, ԱՄՆ վարչակազմը որոշում կընդունի արաբական հանրապետությունից ամերիկյան զորքերի դուրսբերման հնարավորության վերաբերյալ, տեղեկացնում է «Արմենպրես»-ը։

«Ես չգիտեմ, թե ով է դա ասել, բայց մենք որոշում կկայացնենք դրա վերաբերյալ», - մեկնաբանել է Թրամփն իսրայելական լրատվամիջոցների այն հաղորդագրությունները, թե հրեական պետությունը մտահոգված է Սիրիայից ամերիկյան զորքերի դուրսբերման հնարավորությունից։

«Մենք չենք միջամտում Սիրիայի իրադրությանը։ Դա նրանց խառնաշփոթն է։ Նրանք այնտեղ բավական խնդիրներ ունեն։ Նրանք մեր միջամտության կարիքը չունեն», - հավելել է Թրամփը։

Ավելի վաղ իսրայելական Kan պետական ​​հեռուստառադիոընկերությունը հայտնել էր, որ ամերիկացի բարձրաստիճան պաշտոնյաներն Իսրայելի ներկայացուցիչներին ակնարկել են, որ Թրամփը շահագրգռված է Սիրիայի տարածքում մնացած ամերիկացի զինվորների դուրսբերման հարցում։ Պենտագոնում 2024 թվականի դեկտեմբերին հայտարարել են, որ Սիրիայում կա մոտ 2000 ամերիկացի զինվորական։

2024 թվականի դեկտեմբերին Սիրիայի ընդդիմադիր կազմավորումները վերահսկողություն էին հաստատել երկրի վրա՝ կարճ ժամանակամիջոցում գրավելով մի քանի նահանգ և մայրաքաղաք Դամասկոսը և ստիպելով նախագահ Բաշար ալ Ասադին հեռանալ երկրից։ 

Սիրիայում ստեղծվել է անցումային կառավարություն: «Հայաթ Թահրիր աշ Շամ» իսլամիստական խմբավորման ղեկավար Ահմեդ աշ Շարաան հայտարարվել է անցումային շրջանում Սիրիայի նախագահ. նա երկիրը կներկայացնի միջազգային հարթակներում, մինչև ընտրությունների անցկացումը։

Հայերեն Русский

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա