Հայաստանի նկատմամբ ցանկացած ագրեսիա ճնշելու լավագույն ճանապարհը Հայաստանն ավելի ուժեղ դարձնելն է. Ֆինլանդիայի Էդուսկունտայի խոսնակ
2 րոպեի ընթերցում
Պետք է շարունակենք փորձել բանակցել Հայաստանի և հարևան պետությունների միջև հարաբերությունների կարգավորման ուղղությամբ:
«Արմենպրես»-ի փոխանցմամբ՝ Երևանում ընթացող Հյուսիսային Եվրոպա-Բալթյան երկրներ ձևաչափի (Nordic-Baltic Format) խորհրդարանների նախագահների և փոխնախագահների մասնակցությամբ պանելային քննարկման ընթացքում Ֆինլանդիայի Էդուսկունտայի խոսնակ Յուսսի Հալլա-Ահոն այսպես արձագանքեց բանախոսներին ուղղված այն հարցին, թե հնարավո՞ր է ավելի պրոակտիվ լինել Ադրբեջանի վրա ճնշումներ գործադրելու առումով:
«Հայաստանի նկատմամբ ցանկացած ագրեսիա ճնշելու լավագույն ճանապարհը Հայաստանն ավելի ուժեղ դարձնելն է, օրինակ՝ ավելի ուժեղ եվրոպական կառույցներին անվտանգության, առևտրի, տնտեսության առումով ինտեգրվելու միջոցով:
Ինչ վերաբերում է Ադրբեջանի վրա ճնշում գործադրելուն՝ կարծում եմ որ սա մարդկային կյանքի հարց է: Որքան փորձում ենք ինչ-որ դիրքորոշում գրավել այս հակամարտությունում, այնքան փոքր ազդեցություն կունենանք մյուս կողմի վրա: Եթե ցանկանում եք ազդեցություն ունենալ ինչ-որ մեկի, նրան որոշումների վրա՝ պետք է որոշակի հարգանք դրսևորեք նրանց նկատմամբ՝ անկախ նրանից արժանի են հարգանքի, թե ոչ: Այսպիսով, պետք է շարունակենք փորձել բանակցել Հայաստանի և հարևան պետությունների միջև մշտական որոշման հասնելու և հարաբերությունների նորմալացման համար: Համոզված եմ, որ Թուրքիայում և Ադրբեջանում կան մարդիկ, որոնք հասկանում են, որ դա նաև նրանց երկարաժամկետ շահերն է պաշտպանում», - ասաց նա: