1 րոպեի ընթերցում
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ։ Լոռու մարզի Ստեփանավան քաղաքի Աշոտաբերդ թաղամասում մեկնարկել է բազմաբնակարան 15 շենքերի շինարարությունը՝ 308 բնակարանով։
«Արմենպրես»-ի հաղորդմամբ՝այս մասին հայտնեց ՀՀ քաղաքաշինության կոմիտեի նախագահ Եղիազար Վարդանյանը՝ մանրամասնելով, որ վթարային վիճակում գտնվող բազմաբնակարան փայտե 24 շենքերի փոխարեն իրականացվող շինարարության արժեքը կազմում է շուրջ 10 մլրդ դրամ։
«Ավարտական փուլում է Սպիտակում վթարային փայտե հանրակացարանային 2 շենքի փոխարեն 4 մասնաշենքից բաղկացած՝ 36 բնակարանով բազմաբնակարան շենքի կառուցման ծրագիրը։ Շինարարական աշխատանքների արժեքը կկազմի մոտ 660 մլն դրամ»,-ասաց Վարդանյանը։
Կոմիտեի նախագահի խոսքով՝ «Հանրային ծառայողներին բնակարաններով ապահովման ծրագրի շրջանակում 2024 թվականին իրականացվել է «Նոր Երևան» և «Ավան թաուերս» բնակելի թաղամասերից բնակարանների վիճակահանություն․ բաշխվել է համապատասխանաբար՝ 520 և 717 բնակարան։
Բացի այդ, շահագործման են հանձնվել «Ճառագայթ» բնակելի թաղամասի՝ երկրորդ փուլում բաշխված բնակարանները։