Հայաստանը հետամուտ է ապաշրջափակմանը ոչ թե որևէ երկրի պահանջով, այլ՝ սեփական շահագրգռվածությամբ. Միրզոյան
1 րոպեի ընթերցում
ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: Հայաստանը հետամուտ է տարածաշրջանում տրանսպորտային ենթակառուցվածքների ապաշրջափակմանը ոչ այն պատճառով, որ որևէ երկիր պահանջում է դա Հայաստանից, այլ առաջին հերթին նրա համար, որ ինքն է շահագրգիռ այդ ապաշրջափակմամբ:
«Արմենպրես»-ի փոխանցմամբ՝ ամփոփիչ ասուլիսի ժամանակ այս մասին հայտարարեց Արտաքին գործերի նախարար Արարատ Միրզոյանը։
«Մենք հետամուտ ենք տրանսպորտային ենթակառուցվածքների ապաշրջափակմանը ոչ այն պատճառով, որ որևէ երկիր պահանջում է դա Հայաստանից, այլ այն պատճառով, որ առաջին հերթին մենք ենք շահագրգիռ այդ ապաշրջափակմամբ: Եվ ինչպես ենթադրվում է, որ մյուս պետությունները կարող են օգտագործել Հայաստանի տարածքն իրենց տարանցիկ փոխադրումների համար, այնպես էլ Հայաստանն է օգտագործելու հարևան երկրների տարածքն իր տարանցիկ փոխադրումների համար»,–ասաց Միրզոյանը: