398.84
Հայտնի են 12-րդ դասարանի սովորողների` հունվար ամսին պետական ավարտական քննությունների օրերը
1 րոպեի ընթերցում
ԵՐԵՎԱՆ, 25 ԴԵԿՏԵՄԲԵՐԻ, ԱՐՄԵՆՊՐԵՍ։ Հայաստանի Հանրապետության կրթության, գիտության, մշակույթի և սպորտի նախարարի հրամանով հաստատվել է 2024-2025 ուսումնական տարվա 12-րդ դասարանի սովորողների՝ հունվար ամսին պետական ավարտական քննությունների ժամանակացույցը:
«Արմենպրես»-ի փոխանցմամբ՝ ԿԳՄՍ նախարարությունից հայտնում են, որ քննությունները կանցկացվեն հետևյալ օրերին.
հունվարի 13-ին՝ «Հայոց լեզու և գրականություն»,
հունվարի 15-ին՝ «Մաթեմատիկա»,
հունվարի 17-ին՝ «Հայոց պատմություն»:
Նախարարությունից հիշեցնում են, որ 12-րդ դասարանում պետական ավարտական քննություններն անցկացվում են հունվարին և հունիսին: Ե՛վ հունվարին, և՛ հունիսին միասնական քննություններ հանձնած սովորողի ավարտական փաստաթղթում լրացվում է միասնական քննության ավարտական մասի ավելի բարձր դրական գնահատականը:
Բաժանորդագրվեք մեր ալիքին Telegram-ում