1 րոպեի ընթերցում
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ։ Երևանում մոտ երկու տասնյակ մանկապարտեզներ գտնվում են վերանորոգման և հիմնանորոգման փուլում։
«Արմենպրես»-ի թղթակցի հաղորդմամբ՝ այս մասին հայտնեց Երևանի քաղաքապետ Տիգրան Ավինյանը՝ մայրաքաղաքի վերանորոգված թիվ 161 մանկապարտեզ կատարած շրջայցի ժամանակ։
«Շատ շուտով, ամենայն հավանականությամբ 2025 թվականի սկզբին, կրկին բավականին մեծ թվով հիմնանորոգված մանկապարտեզներ ենք բացելու։
Մենք նաև ունենք 33 մանկապարտեզների հիմնանորոգման ծրագիր, որոնց շինարարությունն արդեն փուլ առ փուլ սկսելու ենք։ Բացի այդ՝ ունենք ծրագրի երրորդ վերջնական փուլը, որով կհիմնանորոգվեն 35 մանկապարտեզներ»,-նշեց Ավինյանը՝ հավելելով, որ դրանով լուծում կստանա Երևանում հիմնանորոգման կարիք ունեցող մանկապարտեզների խնդիրը։