Իրան

Դամասկոսում Իրանի դեսպանատունը շուտով կվերսկսի աշխատանքը

1 րոպեի ընթերցում

Դամասկոսում Իրանի դեսպանատունը շուտով կվերսկսի աշխատանքը

ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ։ Դամասկոսում Իրանի դեսպանատունը շուտով կվերսկսի իր աշխատանքը, հայտնել է Սիրիայում Իրանի դեսպան Հոսեյն Ակբարին։ «Արմենպրես»-ի փոխանցմամբ՝ այս մասին հաղորդում է Mehr լրատվական գործակալությունը։

«Մենք ծրագրում ենք անմիջապես վերսկսել դեսպանատան աշխատանքը։ Բացի այդ, նրանք մեզ հավաստիացրել են իրենց պատրաստակամության մասին և երաշխավորել դեսպանատան անվտանգությունը», - ասել է Ակբարին։

Նա հավելել է, որ դեսպանատան աշխատակիցները 2-3 օրով տեղափոխվել են Բեյրութ՝ անվտանգության նկատառումներից ելնելով։ Ըստ Ակբարիի՝ նախքան «Հայաթ Թահրիր աշ-Շամ» խմբավորման՝ Դամասկոս հասնելն անհայտ անձինք ավարի են ենթարկել Դամասկոսը, այդ թվում՝ Իրանի դեսպանատունը։

Ըստ Սիրիայում Իրանի դեսպանի՝ դեսպանատանը ոչ մի դոլար չի եղել, և ոչ մի իրանցի չի վնասվել։ 

Ավելի վաղ տեղեկություններ էին տարածվել, որ Դամասկոսում Իրանի դեսպանատնից գողացել են 42 միլիոն դոլարին համարժեք կանխիկ գումար, երբ անձնակազմը հեռացել է այնտեղից։ Իրանը հերքել է այս տեղեկությունները։

Օրերս Դամասկոսում իր դեսպանատունը պաշտոնապես վերաբացել է Թուրքիան՝ 12 տարվա ընդմիջումից հետո։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում