Աշխարհ

Ֆրանսիայի նախագահը մտադիր է ԵՄ գագաթնաժողովում բարձրացնել Ուկրաինայում խաղաղապահների տեղակայման հարցը

1 րոպեի ընթերցում

Ֆրանսիայի նախագահը մտադիր է ԵՄ գագաթնաժողովում բարձրացնել  Ուկրաինայում խաղաղապահների տեղակայման հարցը

ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ։ Ֆրանսիայի նախագահ Էմանուել Մակրոնը դեկտեմբերի 18-19-ը կայանալիք Եվրամիության առաջնորդների գագաթնաժողովի օրակարգում կբարձրացնի Ուկրաինայի տարածքում խաղաղապահ առաքելության տեղակայման հարցը։ «Արմենպրես»-ի հաղորդմամբ՝ այս մասին հայտնում է  «Страна.ua» լրատվականը՝ հղում կատարելով իր աղբյուրներին։

Աղբյուրների փոխանցմամբ, այս քննարկումը բխում է մի շարք կարևոր հանգամանքներից։ Դրանց թվում են Մակրոնի այցելությունը Լեհաստան, ԶԼՄ-ներում ակտիվացած քննարկումները Ուկրաինայում խաղաղապահ առաքելության վերաբերյալ, ինչպես նաև ԱՄՆ-ում Դոնալդ Թրամփի՝ նախագահի պաշտոնում վերադարձը։

Ըստ ԵՄ դիվանագետների` կարևոր է նախապես մշակել համապարփակ մոտեցում՝ Ուկրաինայի և Ռուսաստանի միջև հնարավոր խաղաղության համաձայնության դեպքում։

Չնայած հարցի բարձրացմանը` ԵՄ ներսում առայժմ չկա միասնական դիրքորոշում։ ԵՄ պաշտոնյաները նշել են, որ խաղաղապահ առաքելության հարցը դեռ «հում» փուլում է և առայժմ ընդամենը գաղափար է։

Ավելի վաղ, Լեհաստանի և Խորվաթիայի առաջնորդները դեմ են արտահայտվել իրենց զորքերը Ուկրաինա ուղարկելուն։ Գերմանիայի կառավարությունում այս հարցը որակել են որպես «ոչ արդիական»։

 

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում