Հունաստանում ՀՀ դեսպանը Դելֆիի Տնտեսական ֆորումի հիմնադիր-նախագահի հետ քննարկել է խոշոր միջազգային համաժողովներին փոխադարձ մասնակցության հնարավորությունները
1 րոպեի ընթերցում
ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպում է ունեցել կարևորագույն միջազգային համաժողովներից մեկի` Դելֆիի Տնտեսական ֆորումի հիմնադիր-նախագահ Սիմեոն Ցոմոկոսին:
«Արմենպրես»-ի հաղորդմամբ՝ Հունաստանում Հայաստանի դեսպանության «Ֆեյսբուք»-ի էջը տեղեկացնում է, որ դեսպան Մկրտչյանը ներկայացրել է Հայաստանի և Հունաստանի միջև դիվանագիտական, քաղաքական, պաշտպանական ուղղություններում գրանցված զարգացումները, ներկայացրել տնտեսական առաջնայնությունները։ Այս համատեքստում անդրադարձ է եղել նաև ՀՀ կառավարության «Խաղաղության խաչմերուկ» ծրագրի ներուժին:
Ըստ աղբյուրի՝ կողմերը քննարկել են երկկողմ կազմակերպվող խոշոր միջազգային համաժողովներին փոխադարձ մասնակցության և աջակցության հնարավորությունները։
Հանդիպման ընթացքում քննարկվել են նաև տարածաշրջանային թեմաներ։