Հայաստանն ու Սլովակիան պայմանավորվել են խթանել համագործակցությունը բոլոր ոլորտներում
1 րոպեի ընթերցում
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության արտաքին գործերի նախարար Արարատ Միրզոյանը ԵԱՀԿ նախարարական համաժողովի շրջանակներում հանդիպում է ունեցել Սլովակիայի իր գործընկերոջ՝ Յուրայ Բլանարի հետ:
«Արմենպրես»-ի փոխանցմամբ՝ այս մասին ԱԳ նախարարը գրառում է կատարել X-ի իր միկրոբլոգում:
‹‹Լավ հնարավորություն՝ ԵԱՀԿ նախարարական համաժողովի շրջանակներում հանդիպելու Սլովակիայի արտաքին գործերի նախարար Յուրայ Բլանարի հետ: Պայմանավորվել ենք խթանել Հայաստան-Սլովակիա համագործակցությունը տարբեր ոլորտներում՝ հաշվի առնելով նաև Եվրոպական միության հետ Հայաստանի խորացող գործընկերությունը››,-իր գրառման մեջ նշել է Միրզոյանը՝ հավելելով, որ հանդիպման ընթացքում ընդգծվել է նաև ՀՀ շահագրգռվածությունը՝ տարածաշրջանային կայունության և խաղաղության նկատմամբ, ինչն արտացոլված է Հայաստանի կառավարության «Խաղաղության խաչմերուկ» ծրագրում: