Երևանի քաղաքապետարանը կյանքի դժվարին իրավիճակում հայտնված երեխաների համար կազմակերպել է այց դեպի Բյուրականի աստղադիտարան
1 րոպեի ընթերցում
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Երևանի քաղաքապետարանի աշխատակազմի երեխաների և սոցիալական պաշտպանության վարչությունը կյանքի դժվարին իրավիճակում հայտնված երեխաների համար կազմակերպել է այց դեպի Վիկտոր Համբարձումյանի անվան Բյուրականի աստղադիտարան:
«Արմենպրես»-ի փոխանցմամբ՝ այս մասին հայտնում են Երևանի քաղաքապետարանի լրատվության վարչությունից:
«12 վարչական շրջանից ընտրված երեխաները հնարավորություն ունեցան լսել Համբարձումյանի կյանքի և գործունեության մասին, իսկ Պլանետարիումում էլ ճանաչողական հանդիպման շնորհիվ տիեզերքի մասին ավելին սովորեցին»- տեղեկացնում է Երևանի քաղաքապետարանի լրատվության վարչությունը:
Վերջինիս հաղորդմամբ՝ Երևանի քաղաքապետարանը փոքրիկների համար շարունակաբար կազմակերպում է միջոցառումներ, ստեղծում պայմաններ և ապացուցում, որ նրանք բոլորը պաշտպանված են մեր քաղաքում: