1 րոպեի ընթերցում
ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ։ 2019 թվականի ավերիչ հրդեհին հաջորդող ավելի քան հինգ տարվա ինտենսիվ վերակառուցման աշխատանքներից հետո Փարիզի Աստվածամոր տաճարը նոյեմբերի 29-ին ներկայացել է նորովի՝ վերակառուցված առաստաղներով և կաթնագույն քարաշարվածքով։ Ֆրանսիայի նախագահ Էմանուել Մակրոնն առաջիններից էր, ով շրջել է տաճարում: «Արմենպրես»-ի փոխանցմամբ՝ այս մասին հաղորդում է The Associated Press գործակալությունը։
Ֆրանսիայի նախագահին տաճար կատարած այցի ընթացքում ուղեկցում էին նրա կինը՝ Բրիջիտ Մակրոնը, Փարիզի արքեպիսկոպոսը և ուրիշներ։
Թեև վերակառուցված տաճարը ներսից արդեն ներկայանում է իր ողջ փայլով և շքեղությամբ, սակայն դրսից դեռ վերանորոգման աշխատանքներ են ընթանում։
Փարիզի Աստվածամոր տաճարն այցելուների համար իր դռները կբացի դեկտեմբերի 8-ին։
Մինչև 2019 թ. ապրիլի 15-ի հրդեհը տաճարը գրավում էր տարեկան միլիոնավոր հավատացյալների և այցելուների։