1 րոպեի ընթերցում
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Երևանում ընթացող Զինվորականների ըմբշամարտի 37-րդ առաջնության մրցումային առաջին օրը Հայաստանի հավաքականը 5-րդ մեդալն է նվաճում:
«Արմենպրես»-ի հաղորդմամբ` Կարեն Դեմիրճյանի անվան մարզահամերգային համալիրում ընթացող Զինվորականների ըմբշամարտի 37-րդ առաջնության մեկնարկային օրը Հայաստանի հավաքականից 77 կգ քաշային Աշոտ Խաչատրյանը բրոնզե մեդալի համար գոտեմարտում մրցեց Հորդանանի ներկայացուցիչ Ամրո Աբեդի հետ: Խաչատրյանը գերազանցեց մրցակցին 1:9 հաշվով` ժամանակից շուտ ավարտելով գոտեմարտը:
Ավելի վաղ Զինվորականների աշխարհի առաջնության ոսկե մեդալակիր էին դարձել Սուրեն Աղաջանյանը ու Գասպար Տերտերյանը, բրոնզ էր նվաճել Հրաչյա Պողոսյանը և Էլեն Բաբաջանյանը դարձել էր արծաթե մեդալակիր: