ՊԵԿ նախագահն ու Հայաստանում ֆրանսիական համալսարանի ռեկտորը ստորագրել են փոխըմբռնման հուշագիր
1 րոպեի ընթերցում
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Պետական եկամուտների կոմիտեի նախագահ Ռուստամ Բադասյանն ու Հայաստանում ֆրանսիական համալսարանի ռեկտոր Սալվա Նակուզին ստորագրել են փոխըմբռնման հուշագիր՝ համատեղ նախաձեռնությունների համար ամուր հիմքեր ստեղծելու և գործակցությունն ընդլայնելու նպատակով։
«Արմենպրես»-ի փոխանցմամբ՝ ՀՀ ՊԵԿ-ից հայտնում են, որ Ռուստամ Բադասյանը կարևորել է հուշագրի ստորագրումը՝ ընդգծելով, որ այն ուղղված է ՊԵԿ-ում ակադեմիական առաջընթացի խթանմանը, մասնավորապես, մաքսային և հարկային աշխատակիցների գիտելիքների զարգացմանը և հմտությունների կատարելագործմանը։
Անդրադառնալով կողմերի միջև համագործակցությանը՝ Սալվա Նակուզին առանձնացրել է գործակցության շրջանակն ընդլայնելու հնարավորությունները և կարևորել արդյունավետ փոխգործակցությունը։
Հուշագրի շրջանակում կողմերը կիրականացնեն գործուն քայլեր կոմիտեի աշխատակիցների և համալսարանի ուսանողների կարողությունների զարգացման ուղղությամբ։