Ադրբեջանի նախագահը հաստատել է Հայաստանի և Ադրբեջանի միջև սահմանազատման հանձնաժողովների համատեղ գործունեության կանոնակարգը
1 րոպեի ընթերցում
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ։ Ադրբեջանի նախագահ Իլհամ Ալիևը հրամանագիր է ստորագրել Հայաստանի և Ադրբեջանի սահմանազատման հանձնաժողովների համատեղ գործունեության կանոնակարգը հաստատելու մասին։
«Արմենպրես»-ի փոխանցմամբ՝ այս մասին հայտնում են ադրբեջանական լրատվամիջոցները։
Կանոնակարգը հոկտեմբերի 23-ին վավերացրել էր նաև ՀՀ Ազգային ժողովը։ Հայաստանի նախագահ Վահագն Խաչատուրյանը ստորագրել է կանոնակարգը վավերացնելու մասին օրենքը։