Ֆրանսիան և Գերմանիան ֆինանսական օգնություն կհատկացնեն Լիբանանին

2 րոպեի ընթերցում

ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Ֆրանսիան մտադիր է 100 միլիոն եվրո հատկացնել լիբանանցի ժողովրդին օգնելու համար։ «Արմենպրես»-ի փոխանցմամբ՝ այդ մասին հայտարարել է հանրապետության նախագահ Էմանուել Մակրոնը Փարիզում Լիբանանի աջակցության միջազգային համաժողովում։

«ՄԱԿ-ը կոչ է արել 426 միլիոն եվրո տրամադրել Լիբանանին: Ֆրանսիան կտրամադրի 100 միլիոն եվրո», - ասել է Ֆրանսիայի ղեկավարը, որի ելույթը հեռարձակվել է X սոցիալական հարթակում Ելիսեյան պալատի էջում։

Մակրոնը նաև հավելել է, որ Ֆրանսիան «իր ավանդը կներդնի լիբանանյան բանակի մատակարարման գործում»։ Բացի այդ, նախագահի խոսքով, Փարիզը ողջունում է Լիբանանի զինված ուժերում հավելյալ 6000 զինծառայողներ հավաքագրելու ծրագիրը։

Մակրոնը կոչ է արել «շուտափույթ դադարեցնել կրակը և  բոլոր փախստականներին հնարավորություն տալ վերադառնալու իրենց տները»: 

«Ես ցավում եմ, որ Իսրայելը շարունակում է իր ռազմական գործողությունները Լիբանանում` երկրի հարավում, Բեյրութում և նրա սահմաններից դուրս, մինչ քաղաքացիական բնակչության շրջանում զոհերի թիվն աճում է։ Անհրաժեշտ է նաև, որ «Հեզբոլլահ»-ը դադարեցնի իր գրոհներն Իսրայելի դեմ՝ ինչ պատրվակով էլ որ լինի», - ասել է նա: 

Լիբանանին օգնության մասին են հայտարարել նաև Գերմանիայի իշխանությունները: Ըստ Al Arabiya-ի՝ Փարիզում Լիբանանին նվիրված խորհրդաժողովից առաջ Գերմանիայի արտգործնախարար Անալենա Բերբոքը հայտարարել է, որ Գերմանիան Լիբանանին կտրամադրի լրացուցիչ 96 միլիոն եվրո՝ մարդասիրական օգնության և զարգացման նպատակներով: 

Փարիզում անցկացվող գագաթնաժողովի ընթացքում Ֆրանսիան հույս ունի հանգանակել շուրջ 500 միլիոն եվրո՝ Լիբանանին հումանիտար օգնության համար։

Մերձավոր Արևելք

Համաշխարհային տերությունները Փարիզում համաժողով են անցկացնում Լիբանանին օգնելու հարցով

Հայերեն Русский

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել