Երևանի բոլոր վարչական շրջաններում ընթանում է երկու տարում ընդհանուր 237 կմ ջրագիծ և կոյուղագիծ կառուցելու ծրագիրը
1 րոպեի ընթերցում
ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Երևանում 2024-2025թթ. ընթացքում 237 կմ ջրագիծ և կոյուղագիծ կանցկացվի ու կփոխարինվի: Ինչպես «Արմենպրես»-ին տեղեկացրին Երևանի քաղաքապետարանից, ծրագիրն իրականացվում է բոլոր վարչական շրջաններում:
Ըստ աղբյուրի՝ պետություն-համայնք-«Վեոլիա ջուր» գործակցությամբ իրականացվող ծրագրերի իրագործմամբ, ընդհանուր առմամբ, շուրջ 14,4 հազար բաժանորդի խնդիր կլուծվի:
Նշվում է, որ Երևանի ներքաղաքային կոյուղատար ցանցը շուրջ 1200 կմ է, որի մոտ 80%-ը փոխարինման կարիք ունի: