Իսրայելական հարվածի հետևանքով Դամասկոսում երեք մարդ է զոհվել

ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի մայրաքաղաք Դամասկոսին ուղղված իսրայելական ավիահարվածի հետևանքով զոհվել է 3 քաղաքացի, վիրավորվել է ևս 3–ը: 

«Արմենպրես»-ի փոխանցմամբ՝ այս մասին հայտնում է Reuters-ը:

Նշվում է, որ Իսրայելը տարիներ շարունակ հարվածներ է հասցնում Սիրիայում Իրանի հետ կապված թիրախներին, սակայն նման հարձակումներն ուժեղացրել է անցյալ տարվա հոկտեմբերի 7-ին ՀԱՄԱՍ–ի կողմից Իսրայելի տարածքի վրա հարձակումից հետո: