Իսրայելը հայտարարել է «Հեզբոլլահ»-ի դեմ ակտիվ գործողությունների մասին

ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Իսրայելի պաշտպանության բանակը հայտարարել է, որ անցած գիշեր ակտիվացրել է գործողությունները «Հեզբոլլահ»-ի ուժերի կուտակման դեմ:

«Արմենպրես»-ի հաղորդմամբ՝ այս մասին նշված է Իսրայելի պաշտպանության բանակի X-ի միկրոբլոգում տարածած հաղորդագրության մեջ:

«Ճշգրիտ հետախուզական տվյալներին հետևելով՝ անցյալ գիշեր Իսրայելի պաշտպանության բանակն ակտիվացրել է իր գործողությունները «Հեզբոլլահ»-ի ուժերի կուտակման դեմ՝ զենքի արտադրության հիմնական վայրերին մի շարք թիրախային հարվածների միջոցով: Դրանց թվում էր մի հաստատություն, որն օգտագործվում էր հարավային Լիբանանում հրթիռների և հրթիռային կայանների արտադրության և հավաքման համար, ինչպես նաև մեկ այլ տեղամաս Բեքաա հովտում»,- ասված է հաղորդագրության մեջ:

⭕️Following precise intelligence, last night, the IDF intensified its operations against Hezbollah's force build-up through a series of targeted strikes on key weapon manufacturing sites. These included a facility used to produce and assemble missile and rocket launchers in… pic.twitter.com/GKOqwy3on3

— Israel Defense Forces (@IDF) September 28, 2024