Նյու Յորքում մեկնարկել է Միրզոյան-Բլինքեն-Բայրամով հանդիպումը

ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ։ Նյու Յորքում մեկնարկել է Հայաստանի ԱԳ նախարար Արարատ Միրզոյանի, ԱՄՆ պետքարտուղար Էնթոնի Բլինքենի և Ադրբեջանի ԱԳ նախարար Ջեյհուն Բայրամովի եռակողմ հանդիպումը։

«Արմենպրես»-ին այս մասին հայտնեց ԱԳ նախարարության մամուլի խոսնակ Անի Բադալյանը։

Սեպտեմբերի 22-27-ը ՀՀ ԱԳ նախարար Արարատ Միրզոյանն աշխատանքային այցով գտնվում է Նյու Յորքում: Նախարարն այնտեղ մասնակցում է ՄԱԿ-ի 79-րդ Գլխավոր ասամբելայի բարձր մակարդակի քննարկումներին: Արարատ Միրզոյանն այս օրերին հանդիպումներ է ունեցել մի շարք երկրների գործընկերների հետ: