1 րոպեի ընթերցում
ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանը դեռ պետք է հասկանա, թե արդյո՞ք իր մասնակցությունն Ադրբեջանում անցկացվող COP29-ին տեղին է, թե՞ ոչ:
«Արմենպրես»-ի հաղորդմամբ՝ այս մասին ասաց Ազգային ժողովի նախագահ Ալեն Սիմոնյանը լրագրողների հետ զրույցում:
«Ֆիքսենք՝ Ադրբեջան չէ, որ COP29-ի հրավիրող կողմն է: Դա ՄԱԿ-ի միջոցառումն է: Լուր տարածվեց, թե Ադրբեջանը Հայաստանին հրավիրում է, դա աբսուրդային է, հրավիրում է ՄԱԿ-ը, որովհետև դա այդ շրջանակներում է»,-ասաց Սիմոնյանը:
Նա հավելեց՝ պետք է հասկանան՝ արդյոք ՀՀ-ի մասնակցությունը տեղի՞ն է, թե՞ ոչ: