Ստոլտենբերգը ՆԱՏՕ-ի երկրներին կոչ է արել Ուկրաինային ավելի շատ ռազմական օգնություն տրամադրել
1 րոպեի ընթերցում
![Ստոլտենբերգը ՆԱՏՕ-ի երկրներին կոչ է արել Ուկրաինային ավելի շատ ռազմական օգնություն տրամադրել](http://armenpress.am/resized/480/storage/images/articles/2024/09/06/fqnvEeMO1tx2k9dgzvfdxUthv3PZnP6WZU7qjAam.webp)
ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ: ՆԱՏՕ-ի անդամ երկրները պետք է Ուկրաինային ավելի շատ ռազմական օգնություն տրամադրեն: «Արմենպրես»-ի փոխանցմամբ՝ այդ մասին ՆԱՏՕ-ի գլխավոր քարտուղար Յենս Ստոլտենբերգը հայտարարել է Նորվեգիայում կայացած մամուլի ասուլիսում։
«Ուկրաինան այժմ ավելի շատ ռազմական աջակցության կարիք ունի: Պատերազմին վերջ տալու ամենաարագ միջոցը Ուկրաինային ավելի շատ զենք տալն է», - ասել է նա՝ կոչ անելով դաշինքի երկրներին շարունակել Կիևին աջակցություն ցուցաբերելը:
Ստոլտենբերգը հերթական անգամ պնդել է, որ Ուկրաինան ինքնապաշտպանության իրավունք ունի, «և այդ իրավունքը չի ավարտվում Ռուսաստանի հետ սահմանին»։