Իտալիայի վարչապետն աջակցություն է հայտնել Երևանի և Բաքվի միջև կայուն խաղաղության հաստատմանը
1 րոպեի ընթերցում
![Իտալիայի վարչապետն աջակցություն է հայտնել Երևանի և Բաքվի միջև կայուն խաղաղության հաստատմանը](http://armenpress.am/resized/480/storage/images/articles/2024/09/06/RW67uONtIRcaH8dBMhtnZ1xgFjxrGqlZtXP3LuVR.webp)
ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ։ Իտալիայի վարչապետ Ջորջիա Մելոնին Հռոմում Ադրբեջանի նախագահ Իլհամ Ալիևի հետ հանդիպման ընթացքում աջակցություն է հայտնել Երևանի և Բաքվի միջև կայուն խաղաղության հաստատմանը։
«Արմենպրես»-ի հաղորդմամբ՝ այս մասին նշված է վարչապետ Մելոնիի մամուլի ծառայության հաղորդագրության մեջ։
«Իտալիայի վարչապետը վերահաստատել է Հռոմի հանձնառությունը կովկասյան տարածաշրջանի կայունությանն ու բարգավաճմանը և աջակցությունը Հայաստանի և Ադրբեջանի միջև հարաբերությունների կարգավորմանը՝ նպատակ ունենալով հասնել տևական խաղաղության»,- նշված է հաղորդագրության մեջ։
Իտալիայի վարչապետը նաև ընդգծել է, որ Եվրամիության դերն այս գործընթացի անբաժանելի մասն է, և որ ԵՄ-ի հետ համագործակցությունը կարող է նոր հնարավորություններ բացել ողջ տարածաշրջանի համար՝ նաև կապի առումով։