ԿԳՄՍՆ-ն հրավիրում է մասնակցել «Տարվա լավագույնները» մրցութային հանձնաժողովում ընդգրկվելու մրցույթին

ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ։ Հայաստանի  կրթության  գիտության մշակույթի   և  սպորտի   նախարարությունը  հրավիրում է ուսուցչական կազմակերպություններին` մասնակցելու կազմակերպությունների ընտրության մրցույթին՝ «Տարվա  լավագույնները» մրցութային  հանձնաժողովում ընդգրկվելու նպատակով: «Արմենպրես»-ի փոխանցմամբ՝ ԿԳՄՍ նախարարությունն այս մասին հաղորդագրություն է տարածել։ 

Մրցութային հանձնաժողովում ուսուցչական  կազմակերպություններից ընդգրկվելու է մեկ ներկայացուցիչ։

Մրցութային  հանձնաժողովում  ընդգրկվելու  համար անհրաժեշտ  է  ներկայացնել՝

·         դիմում կազմակերպության ղեկավարի անունից, 

·         կազմակերպության կանոնադրության և գրանցման վկայականի  պատճենները,

·         ձևաչափի լրացված տարբերակը՝ նշելով նաև կազմակերպությունը ներկայացնող անձի անունը, ազգանունը, էլ. հասցեն և հեռախոսահամարը:

Նշված փաստաթղթերն անհրաժեշտ է ուղարկել  [email protected]  էլեկտրոնային  հասցեին մինչև սեպտեմբերի 10-ը ներառյալ։