Հայաստանն ու Վրաստանը կուսումնասիրեն պաշտպանական համագործակցությունն ընդլայնելու հնարավորությունները
1 րոպեի ընթերցում
![Հայաստանն ու Վրաստանը կուսումնասիրեն պաշտպանական համագործակցությունն ընդլայնելու հնարավորությունները](http://armenpress.am/resized/480/storage/images/articles/2024/09/02/jFM6nwFE6r7G0TM68JDD10DQmiNwtkDQPax5pN8G.webp)
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ։ Հայաստանի պաշտպանության նախարար Սուրեն Պապիկյանը Վրաստան կատարած պաշտոնական այցի շրջանակներում հանդիպել է Վրաստանի պաշտպանության նախարար Իրակլի Չիկովանիի հետ։ «Արմենպրես»-ի փոխանցմամբ՝ այս «Ֆեյսբուք»-ի իր էջում գրել է ՀՀ պաշտպանության նախարար Սուրեն Պապիկյանը։
«Հանդիպման ընթացքում կարևորել ենք ռազմական կրթության բնագավառում փորձի փոխանակման ուղղությամբ համագործակցության ակտիվացումն ու ընդլայնումը, ինչպես նաև երկուստեք ընդգծել ենք տարածաշրջանում երկարաժամկետ և կայուն խաղաղություն հաստատելու կարևորությունը:
Պայմանավորվածություն ենք ձեռք բերել տարբեր խմբերի փոխայցելությունների միջոցով ուսումնասիրել նաև երկկողմ պաշտպանական համագործակցության հետագա ընդլայնման ու նոր ոլորտների ընդգրկման հնարավորությունները:
Քննարկել ենք նաև պաշտպանության բնագավառում Հայաստան-Վրաստան համագործակցությանն ու տարածաշրջանային անվտանգությանն առնչվող մի շարք այլ հարցեր»,-գրել է Պապիկյանը: