Ուկրաինան դուրս է եկել Ռուսաստանի հետ գաղտնի հեռախոսակապի համաձայնագրից

ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ։ Ուկրաինան դուրս է եկել Ռուսաստանի հետ Կիևի և Մոսկվայի միջև ուղիղ գաղտնի հեռախոսագիծ կազմակերպելու մասին համաձայնագրից։

«Արմենպրես»-ի փոխանցմամբ՝ այս մասին հայտնում է «ՌԻԱ Նովոստի»-ն՝ հղում կատարելով Ուկրաինայի Գերագույն ռադայում երկրի նախարարների կաբինետի ներկայացուցիչ Տարաս Մելնիչուկի տարածած հայտարարությունը։

«Ուկրաինայի Նախարարների կաբինետի և Ռուսաստանի Դաշնության կառավարության միջև Կիևի և Մոսկվայի միջև ուղիղ գաղտնի հեռախոսագիծ կազմակերպելու մասին համաձայնագիրը դադարեցվել է», - գրել է Մելնիչուկը տելեգրամյան իր ալիքում։

Վերջինս նաև հավելել է, որ համաձայնագիր ստորագրվել է Մոսկվայում՝ 1998 թվականի փետրվարի 27-ին։