Հայաստանը կունենա 5G լայնաշերտ ցանցի հասանելիություն․ ԲՏԱ-ն մրցույթ կհայտարարի

3 րոպեի ընթերցում

ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ։ Բարձր տեխնոլոգիական արդյունաբերության նախարարությունը Հայաստանում 5G լայնաշերտ ցանցի ներդրման նպատակով ազատականացրել է 3600-3800 ՄՀց ռադիոհաճախականությունների տիրույթն՝ այն մրցույթային կարգով շարժական կապի օպերատորներին տրամադրելու համար։ 

«Արմենպրես»-ի՝ Հայաստանում 5G տեխնոլոգիական լայնաշերտ ցանցի ներդրման վերաբերյալ հարցին ի պատասխան այս մասին տեղեկացրին ՀՀ բարձր տեխնոլոգիական արդյունաբերության նախարարությունից։

«Որպես տեխնոլոգիական առաջընթացի կարևոր գործիք՝ ՀՀ բարձր տեխնոլոգիական արդյունաբերության նախարարությունը կարևորում է 5G տեխնոլոգիական լայնաշերտ ցանցի ներդրումը Հայաստանի Հանրապետությունում։ Նախարարության կողմից 3600-3800 ՄՀց ռադիոհաճախականությունների տիրույթն ազատականացվել է՝ այն առևտրային նպատակներով տրամադրելու համար: 

Ռադիոհաճախականությունների տիրույթի ազատականացումից հետո ՀՀ հանրային ծառայությունները կարգավորող հանձնաժողովը՝ ՀՀ բարձր տեխնոլոգիական արդյունաբերության նախարարության հետ քննարկումից հետո, իրականացնում է նշյալ ռադիոհաճախականությունների տիրույթից հատվածների տրամադրման մրցութային փաթեթի և պայմանների, ինչպես նաև հանրային շարժական 5G տեխնոլոգիայի լայնաշերտ կապի որակի չափանիշների մշակման գործընթացը։ 

ՀՀ հանրային ծառայությունները կարգավորող հանձնաժողովի կողմից մրցույթը հայտարարելուց հետո, եթե ՀՀ շարժական կապի օպերատորները մասնակցեն մրցույթին և ռադիոհաճախականությունների տիրույթից հատվածներ ձեռք բերեն, իրականացնեն մրցույթային փաթեթի պայմաններով սահմանված ժամկետներում և վայրերում 5G տեխնոլոգիական լայնաշերտ ցանցի ներդրման և շահագործման աշխատանքներ. այս պարագայում Հայաստանը կունենա 5G տեխնոլոգիական լայնաշերտ ցանցի հասանելիություն»,- ասացին ԲՏԱ նախարարությունից։

Գերատեսչությունից տեղեկացրին, որ ՀՀ բարձր տեխնոլոգիական արդյունաբերության նախարարությունը ՀՀ շարժական կապի օպերատորների հետ կազմակերպել է առանձին հանդիպումներ, որի ընթացքում քննարկվել են 5G տեխնոլոգիայի ցանցերի ներդրմանն առնչվող հարցեր, այդ թվում՝ վերջիններիս պատրաստակամությունն ու հետաքրքրվածությունը մրցույթին մասնակցելու և վերոնշյալ աշխատանքներն իրականացնելու համար։

2024 թվականի օգոստոսի 8-ին ուժի մեջ է մտել «Հայաստանի Հանրապետության տրանսպորտի և կապի նախարարի 2008 թվականի փետրվարի 28-ի թիվ 71Ն հրամանում փոփոխություններ կատարելու մասին» Բարձր տեխնոլոգիական արդյունաբերության նախարարի հրամանը, ըստ որի՝ փոփոխություններ է կատարվել ՀՀ հաճախականությունների բաշխումների աղյուսակում և առանձնացվել 3600-3800 ՄՀց ռադիոհաճախականությունների տիրույթը շարժական կապի ծառայությունների համար։

Կարեն Խաչատրյան

Հայերեն العربية English

Վրաստանում նոյեմբերի 22-ը սգո օր է հայտարարվել՝ գազի պայթյունի հետևանքով մարդկանց զոհվելու կապակցությամբ

Իրանը հերքել է քիմիական և կենսաբանական զենքի մշակման վերաբերյալ ԱՄՆ-ի մեղադրանքները

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026