ՀՀ-ում Ֆրանսիայի դեսպանը շնորհավորել է ըմբիշներին Օլիմպիական խաղերում մեդալներ նվաճելու առթիվ
1 րոպեի ընթերցում
ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ։ Հայաստանի Հանրապետությունում Ֆրանսիայի արտակարգ և լիազոր դեսպան Օլիվիե Դըկոտինյին Փարիզում անցկացվող Օլիմպիական խաղերում արծաթե և բրոնզե մեդալներ նվաճելու առթիվ շնորհավորել է ըմբիշներ Արթուր Ալեքսանյանին և Մալխաս Ամոյանին։
«Արմենպրես»-ի փոխանցմամբ՝ այս մասին նշված է դեսպանի X-ի միկրոբլոգում կատարված գրառման մեջ։
«Շնորհավորում ենք հունահռոմեական ոճի ըմբշամարտում արծաթե և բրոնզե մեդալներ նվաճած ըմբիշներ Արթուր Ալեքսանյանին և Մալխաս Ամոյանին»,-գրել է Ֆրանսիայի դեսպանը։