1 րոպեի ընթերցում
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ։ Ռուսաստանի Դաշնության նախագահի մամուլի քարտուղար Դմիտրի Պեսկովը հայտարարել է, որ Մոսկվան բաց է Կիևի հետ բանակցություններ անցկացնելու համար։
«Արմենպրես»-ի հաղորդմամբ՝ այս մասին Պեսկովը հայտարարել է «Կոմսոմոլսկայա պրավդա» ռադիոկայանին տված հարցազրույցում։
Վերջինս նաև հայտարարել է, որ ռուս-ուկրաինական հակամարտության լուծման նախընտրելի ճանապարհ է բանակցությունը։
«Մեր նախագահը բազմիցս հայտարարել է, որ մենք բաց ենք բանակցությունների համար, սա է խնդիրը լուծելու և մեր նպատակին հասնելու նախընտրելի ճանապարհը», - ասել է Պեսկովը։