ՀՀ-ում Ֆրանսիայի դեսպանն անդրադարձել է հայ-հնդկական ռազմատեխնիկական համագործակցությանը
1 րոպեի ընթերցում
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ։ Հայաստանի Հանրապետությունում Ֆրանսիայի արտակարգ և լիազոր դեսպան Օլիվիե Դըկոտինյին, անդրադառնալով Երևանի՝ հնդկական արտադրության զինատեսակների ամենախոշոր ձեռքբերողը դառնալուն, կարծիք է հայտնել, որ այդ համատեքստում միայն ժողովրդավարական երկրներն են արձագանքում Հայաստանի կոչին։
«Արմենպրես»-ի փոխանցմամբ՝ այս մասին նշված է ՀՀ-ում Ֆրանսիայի դեսպանի X-ի միկրոբլոգում կատարված գրառման մեջ։
«Հնդկաստան, Ֆրանսիա. կարելի է արձանագրել, որ ժողովրդավարական երկրներն են արձագանքում Հայաստանի կոչին», - գրել է դեսպան Դըկոտինյին։