1 րոպեի ընթերցում
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ։ Հայաստանի վարչապետ Նիկոլ Փաշինյանն այցելել է Հայաստան-Ադրբեջան սահմանի Կիրանցի հատված։
«Արմենպրես»-ի փոխանցմամբ՝ վարչապետ Նիկոլ Փաշինյանը ծանոթացել է Ադրբեջանի հետ սահմանազատման գործընթացի ավարտից հետո իրականացված աշխատանքներին։
ՀՀ ԱԱԾ սահմանապահ զորքերի հրամանատարի առաջին տեղակալ–շտաբի պետ, գնդապետ Էդգար Հունանյանը վարչապետ Նիկոլ Փաշինյանին զեկուցել է, որ սահմանապահ զորքերի կողմից պահպանվող պետական սահմանի տեղամասում օրվա ընթացքում խախտում չի արձանագրվել, արտառոց դեպքեր և պատահարներ տեղի չեն ունեցել։
Վարչապետ Նիկոլ Փաշինյանը հուլիսի 6-ին աշխատանքային այցով Տավուշի մարզում է։