«Շիրակ» օդանավակայանում ռումբի տեղադրման վերաբերյալ ահազանգը կեղծ է
1 րոպեի ընթերցում
![«Շիրակ» օդանավակայանում ռումբի տեղադրման վերաբերյալ ահազանգը կեղծ է](http://armenpress.am/resized/480/storage/images/articles/2024/07/02/YSas9Lt7i9dDqRWjtbuAje90yD4irm5efBhms0jH.webp)
ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: Գյումրիի «Շիրակ» օդանավակայանում ռումբի տեղադրման վերաբերյալ կեղծ ահազանգ կատարելու կասկածանքով ձերբակալվել է 36-ամյա տղամարդ:
«Արմենպրես»-ի փոխանցմամբ՝ այս մասին տեղեկացրել է Ներքին գործերի նախարարության մամուլի քարտուղար Նարեկ Սարգսյանը՝ «Ֆեյսբուք»-ի իր էջում կատարած գրառման միջոցով:
«Ահազանգն, իբր «Շիրակ» օդանավակայանում ռումբ կա տեղադրված, կեղծ է։
ՆԳՆ ոստիկանության ծառայողները, համագործակցելով ԱԱԾ գործընկերների հետ և ձեռնարկելով անհետաձգելի օպերատիվ-հետախուզական միջոցառումներ, կեղծ ահազանգը կատարելու կասկածանքով ձերբակալել են 36-ամյա տղամարդու»,- նշված է գրառման մեջ:
Օդանավակայանի բնականոն աշխատանքը վերականգնվել է։