Արաբական պետությունների լիգայի գլխավոր քարտուղարը Պաղեստինը ճանաչելու Հայաստանի քայլը որակել է խիզախ որոշում
1 րոպեի ընթերցում
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Արաբական պետությունների լիգայի գլխավոր քարտուղար Ահմեդ Աբուլ Ղեյտը ողջունել է Հայաստանի կողմից Պաղեստինի Պետությունը պաշտոնապես ճանաչելու մասին հայտարարությունը:
«Արմենպրես»-ի փոխանցմամբ՝ լիգայի գլխավոր քարտուղարը շեշտել է, որ դա խիզախ որոշում է, որն արտացոլում է բարեկամ երկրի դիրքորոշումը՝ դեպի պատմության ճշմարտացի կողմ:
Գլխավոր քարտուղարի պաշտոնական խոսնակ Ջամալ Ռուշդին ասել է, որ Պաղեստինի Պետությունը ճանաչողների թվի ավելացումն արտացոլում է միջազգային հանրության աճող համոզմունքը՝ օկուպացիայի շարունակելու անհնարինության վերաբերյալ: Նա նշել է, որ ճանաչումը կարևոր քայլ է 1967թ. հունիսի 4-ի սահմաններով Պաղեստինի Պետության մարմնավորման ուղղությամբ: