1 րոպեի ընթերցում
ՌԻՄԻՆԻ, 24 ԱՊՐԻԼԻ, ԱՐՄԵՆՊՐԵՍ: Հայաստանի մարմնամարզության տղամարդկանց մեծահասակների հավաքականի անդամները սկսեցին պայքարը Եվրոպայի առաջնությունում:
«Արմենպրես»-ի հաղորդմամբ` Իտալիայի Ռիմինի քաղաքում ընթացող Եվրոպայի առաջնության մեծահասակների պայքարում կայացան որակավորման փուլի մրցումները:
Հայաստանի հավաքականից որակավորման փուլի արգելքը հաղթահարեցին Արթուր Դավթյանը (հենացատկ), Արթուր Ավետիսյանը (օղակներ) և Գագիկ Խաչիկյանը (նժույգ-թափեր):
Մեծահասակների առանձին գործիքների եզրափակիչները կկայանան ապրիլի 26-ին:
Ապրիլի 25-ին պայքարի մեջ կմտնեն երիտասարդները` Համլետ Մանուկյանը, Մամիկոն Խաչատրյանը, Ռոբերտ Գյուլումյանը և Շեքսպիր Գևորգյանը:
Վարվառա Հայրապետյան