Վազգեն Թևանյանն աշխարհի առաջնության կիսաեզրափակչում է

Հայաստանի ազատ ոճային ըմբշամարտի հավաքականի անդամ Վազգեն Թևանյանը (65 կգ) աշխարհի առաջնության կիսաեզրափակչում է:

«Արմենպրես»-ի հաղորդմամբ` Ղազախստանի մայրաքաղաք Աստանայում ընթացող ազատ ոճի ըմբշամարտի աշխարհի առաջնության 65 կգ քաշային կարգի քառորդ եզրափակչում Թևանյանը մրցեց Իրանի ներկայացուցիչ, աշխարհի կրկնակի չեմպիոն Ռահման Ամուզադ Խալիլի հետ ու հաղթանակի հասավ 3:2 հաշվով:

Ավելի վաղ Թևանյանը հաղթել էր Մոնղոլիայից Զենեեմեդեր Բյամբասուրենին` 9:3 հաշվով և Ղազախստանից Օսիմժան Դաստանբեկին՝ 2:1 հաշվով: