1 րոպեի ընթերցում
ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: Ուկրաինան և Դանիան համագործակցության շուրջ հուշագիր են ստորագրել, որի շրջանակներում սպառազինություն է ձեռք բերվելու Ուկրաինայի զինված ուժերի համար: «Արմենպրես»-ի փոխանցմամբ՝ այդ մասին հաղորդել է Ուկրաինայի պաշտպանության նախարարությունը։
«Պաշտպանական գնումների գործակալությունը և Դանիայի պաշտպանության նախարարության գնումների ու լոգիստիկայի կազմակերպությունը (DALO) փոխըմբռնման և համագործակցության հուշագիր են ստորագրել պաշտպանական գնումների ոլորտում», - ասվում է հաղորդագրության մեջ, որը հրապարակվել է Ուկրաինայի ռազմական գերատեսչության Telegram ալիքում:
Ուկրաինայի պաշտպանության փոխնախարար Դմիտրի Կլիմենկովը հույս է հայտնել, որ համաձայնագիրը թույլ կտա ուժեղացնել համագործակցությունը Ուկրաինայի զինված ուժերին ժամանակակից սպառազինություն և ռազմական տեխնիկա մատակարարելու գործում։