Ալիևը հայտարարել է Հայաստանի հետ հարաբերությունները կարգավորելու համար Թբիլիսիում հանդիպման հնարավորության մասին
1 րոպեի ընթերցում
ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանի նախագահ Իլհամ Ալիևը հայտարարել է Հայաստանի հետ հարաբերությունները կարգավորելու նպատակով Թբիլիսիում հանդիպում անցկացնելու հնարավորության մասին։
«Արմենպրես»-ի հաղորդմամբ՝ այս մասին տեղեկացնում է «ՌԻԱ Նովոստի»-ն՝ մանրամասնելով, որ այս մասին Ալիևը հայտարարել է Վրաստանի վարչապետ Իրակլիի Ղարիբաշվիլիի հետ համատեղ ասուլիսի ընթացքում:
Ըստ աղբյուրի՝ Ալիևը նշել է, որ եթե նման պայմանավորվածություն լինի, ապա Ադրբեջանի համապատասխան կառույցների ներկայացուցիչները կարող են գալ Վրաստան՝ հայ-ադրբեջանական հարաբերությունների կարգավորման շուրջ երկկողմ կամ եռակողմ հանդիպման համար: