Սամանթա Փաուերը խոսել է Հայաստան այցի նպատակների մասին

ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ։ ԱՄՆ Միջազգային զարգացման գործակալության տնօրեն Սամանթա Փաուերը տեղեկացնում է, որ Հայաստան է ժամանել՝ մեր երկրին ևս մեկ անգամ վերահաստատելու ԱՄՆ ամուր աջակցությունը։ Ինչպես հաղորդում է «Արմենպրես»-ը, այս մասին Փաուերը գրառում է կատարել X սոցիալական ցանցի իր էջում։

«Ժամանեցի Երևան, Հայաստան։ Երկրի ու տարածաշրջանի համար այս կարևոր պահին այստեղ եմ՝ վերահաստատելու ԱՄՆ ուժեղ աջակցությունն ու համագործակցությունը Հայաստանին և ուղիղ խոսելու Լեռնային Ղարաբաղում հումանիտար ճգնաժամի հետևանքով տուժած անձանց հետ»,- հայտնել է նա։

Wheels down in Yerevan, Armenia.

At this important moment for the country and region, I’m here to reiterate the U.S.’s strong support & partnership with Armenia and to speak directly with those impacted by the humanitarian crisis in Nagorno-Karabakh. pic.twitter.com/RCz0oR2ezM

— Samantha Power (@PowerUSAID) September 25, 2023