Երևանի զբոսայգիներից մեկում ատրակցիոնների թափոններ և կենցաղային իրեր են այրվել

ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Ճգնաժամային կառավարման ազգային կենտրոնն օգոստոսի 13-ին, ժամը 11:26-ին ահազանգ է ստացվել, որ Երևանի Զաքյան և Գրիգոր Լուսավորիչ փողոցների խաչմերուկի մոտակայքում գտնվող զբոսայգում այրվում է խոտածածկույթ:

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:

Ըստ աղբյուրի՝ պարզվել է, որ այգու տարածքում այրվում են ատրակցիոնների թափոններ։

Նշվում է, որ հրդեհը մեկուսացվել է ժամը 12։05-ին, մարվել՝ 13։26-ին։ Այրվել են ատրակցիոնների թափոններ և կենցաղային իրեր։