2 րոպեի ընթերցում
ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ։ Չինաստանի Landspace ընկերությունը հաջողությամբ արձակել է մեթանային վառելիքով աշխատող աշխարհում առաջին ուղեծրային Zhuque-2 հրթիռը: Այս մասին հաղորդում է «Արմենպրես»-ը՝ վկայակոչելով ընկերության տարածած հաղորդագրությունը։
Ըստ Landspace-ի հայտարարության՝ արձակումը տեղի է ունեցել Պեկինի ժամանակով հուլիսի 12-ի առավոտյան ժամը 9։00-ին՝ համաձայն ընթացակարգերի, և լիովին հաջողվել է։
Սա Zhuque-2 հրթիռի երկրորդ արձակումն էր 2022 թ․ դեկտեմբերին դրա ձախողված առաջին թռիչքից հետո: Միջին չափի այս հրթիռը կարող է տեղափոխել մինչև 6 տոննա բեռ 200 կմ բարձրության վրա՝ դեպի Երկրի ցածր ուղեծիր և մինչև 4 տոննա բեռ՝ 500 կմ բարձրության վրա՝ դեպի Արևասինքրոն ուղեծիր։
High resolution satellite imagery taken on 2023-07-09 at 00:36:51 UTC shows Landspace's Zhuque-2 flight 2 rocket standing vertical on its launch pad at Jiuquan SLC.
As always I've uploaded the full image to @Soar_Earth for interactive browsing: https://t.co/GO42tZOruo pic.twitter.com/BesbsezaOh
— Harry Stranger (@Harry__Stranger) July 9, 2023
Ընկերությունը հավելում է, որ մեթանը չի աղտոտում շրջակա միջավայրը, իսկ մեթանային վառելիքով աշխատող շարժիչի արժեքը 50-90 %-ով ավելի պակաս է չինական այլ նմանատիպ հրթիռային շարժիչների համեմատությամբ։