1 րոպեի ընթերցում
ԵՐԵՎԱՆ, 26 ԱՊՐԻԼԻ ԱՐՄԵՆՊՐԵՍ: Թուրքիայի հարավում գտնվող Ադանա նահանգում 4,1 մագնիտուդ ուժգնությամբ երկրաշարժ է տեղի ունեցել։
«Արմենպրես»-ի հաղորդմամբ՝ այս մասին հայտնում է թուրքական «Անադոլու» գործակալությունը՝ վկայակոչելով Թուրքիայի կառավարությանն առընթեր բնական աղետների և արտակարգ իրավիճակների դեմ պայքարի գրասենյակը (AFAD):
Ցնցումները գրանցվել են ապրիլի 26-ին՝ տեղական ժամանակով 07.48-ին։
Երկրաշարժի էպիկենտրոնը գտնվել է Սայմբեյլի շրջանում։ Օջախը գտնվել է 7 կմ խորության վրա: