Երևանի Մուրացանի փողոցի տներից մեկում բռնկված հրդեհի հետևանքով բնակիչը վնասվածք է ստացել

ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Ճգնաժամային կառավարման ազգային կենտրոնը սեպտեմբերի 13-ին, ժամը 15։06-ին ահազանգ է ստացել, որՄուրացանի փողոցում գտնվող տներից մեկի 2-րդ հարկում հրդեհ է բռնկվել:

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ Փրկարար ծառայության մարզային փրկարարական վարչության հրշեջ-փրկարարական ջոկատներից երկու մարտական հաշվարկ։

«Պարզվել է, որ հրդեհը բռնկվել է տան ննջասենյակում:

Հրդեհը մեկուսացվել է ժամը15։37-ին, մարվել՝ 15։59-ին։ Այրվել է ննջասենյակը (մոտ 50 քմ)՝ գույքով և մասամբ ջերմահարվել է հյուրասենյակի առաստաղը (մոտ 350 քմ)»,- ասվում է հաղորդագրության մեջ։

Ըստ աղբյուրի՝ տան բնակիչը(Ա․ Մ․,ծնված2007 թ․)վնասվածք է ստացել, ումփրկարարները ցուցաբերել են համապատասխան օգնություն։