Սևաստոպոլում ահաբեկչական գործողության դեղին մակարդակ են սահմանել անօդաչու սարքի հարվածից հետո
2 րոպեի ընթերցում
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Սևաստոպոլում ահաբեկչական վտանգի դեղին մակարդակ է սահմանվել Սևծովյան նավատորմի շտաբի վրա անօդաչու սարքի հարձակումից հետո, հայտնել Է նահանգապետ Միխայիլ Ռազվոժաևը:
«Որոշում ենք կայացրել ահաբեկչական վտանգի «դեղին» մակարդակ սահմանելու մասին ։ «Դեղին» մակարդակը միջինն է երեք գոյություն ունեցողներից։ Դա նշանակում է, որ առավելագույնս կուժեղացվեն անվտանգության միջոցները»,- ինչպես հաղորդում Է «Արմենպրես»-ը՝ վկայակոչելով «ՌԻԱ Նովոստի»-ն, գրել է Ռազվոզժաևն իր Telegram-ալիքում։
Նախկինում Սևաստոպոլում չեն բարձրացրել ահաբեկչական սպառնալիքի մակարդակները։
Այս ռեժիմը սահմանվում է հատուկ ծառայությունների աշխատանքն ուժեղացնելու համար և չի անդրադառնա սևաստոպոլցիների սովորական կյանքի վրա, նշել է քաղաքի ղեկավարը: Նա կոչ է արել հանգստություն պահպանել, բայց ավելի զգոն լինել։ Ահաբեկչական վտանգի մակարդակի վերացման մասին տեղեկատվությունը լրացուցիչ կներկայացվի։
Անօդաչու թռչող սարքը կիրակի առավոտյան հարված է հասցրել Սևծովյան նավատորմի Սևաստոպոլի շտաբի բակին, վիրավորվել է վեց մարդ, զոհեր չկան, ավելի վաղ հայտնել է Ռազվոժաևը: Բոլոր տուժածներին բժշկական օգնություն է ցուցաբերվել։ Իշխանությունները չեղյալ են հայտարարել Ռազմածովային նավատորմի օրվա բոլոր միջոցառումները Սևաստոպոլում: